Nola egin “Klaseko beste blogak” orrialdea

Kaixo denoi! Jakingo duzuen bezala, gure blogaren menuan badago osagai bat klaseko beste blogak orrialdera eramaten duena. Orrialde horretan, izenburuak argi azaltzen duen bezala, gure klasean sortutako beste blogak daude.

Blogak aurkezteko momentua heltzen denean, beti gauza bera gertatzen da. Ezin 10 blogetako helbideak gogoratu, eta jendeak, irakasleak aholkatuta, gure bloga erabiltzen du blog batetik bestera joateko.

Beraz, beste blogariekin justuak izateko, hona hemen hau lortzeko egin beharrekoa: sortu orrialde bat eta sartu hurrengo kodea Testu editorean. Bai, bisualean ere egin daiteke, baina hori, hemen kodea edukita, prozesu luzeagoa da (estekak banan-banan sartu eta etiketatzea, alegia).

<ul>
<li><a href="http://euskarazblai.blogariak.net">Euskaraz Blai</a></li>
<li><a href="http://sustraieieutsizzeruaikutuz.blogariak.net">Sustraiei eutsiz Zerua Ikutuz</a></li>
<li><a href="http://hitzetapitz2014.blogariak.net">Hitz eta Pitz</a></li>
<li> <a href="http://hegohaize.blogariak.net">Hego-haizeak dakartzan hitzak </a>
<li><a href="http://hitzakdiragiltza.blogariak.net">HITZA DA GILTZA</a></li>
<li><a href="http://irekibegiak.blogariak.net">Ireki begiak</a></li>
<li><a href="http://euskarazbarriketan.blogariak.net">EUSKARAZ BARRIKETAN</a></li>
<li><a href="http://faltazirenak.blogariak.net">Falta zirenak</a></li>
<li><a href="http://euskaraburuan.blogariak.net">Euskara buruan ' ta ibili munduan!</a></li>
<li><a href="http://wordmakers.blogariak.net">Word makers</a></li>
<li><a href="http://gureadageroa.blogariak.net">Gurea da geroa</a></li>
</ul>

Beti bezala, oharrak

  • Hemen nire bloga ere sartu dut, txantiloia osorik izateko.
  • Norbaitek bere bloga zerrendatik kendu nahi badu (nire ustez jarrera logikoena) ken dezala bere blogari erreferentzia egiten dion zerrendaren osagaia (<li> testuarekin hasita </li> testura arte, biak barne).
  • Orrialdean bertan orrialdeko esteka iraunkorra edita dezakezue, errazago aurkitzeko. Gureari besteak deitu diot, adibidez.
  • Beti bezala, norbaitek zalantzarik badu (edo kasu honetan interesa kode horren esanahia jakiteko), utz dezala iruzkin bat.

Espero dut erabilgarria suertatzea. Hurrengorarte!

‘Iragana aurretik’ elkarrizketa Berri Txarrak-ekin

Iragana aurretik dokumentalaren lehenengo zatian, Berri Txarrak-en 20 urtetan zehar izandako istorioa eta bidea kontatzen digute. Gorka Urbizuk, talde honen partaide nagusietariko batek, taldearen hastapenerako funtsezkoak izan ziren lekuak erakutsi dizkigu, Lekunberrin zehar. Gorka Urbizuri, leku desberdinetan izandako elkarrizketa sakonak lotzen ditu ibilbide horretako pasarteak. Gorkak kontatzen digun istorioan, zuzeneko emanaldietako eta nazioarteko biretan grabatutako irudiak agertzen dira, baita garai guztietako argazkiak ere, horietako askok lehen aldiz erakutsiak.

Badok, Berria, Debolex, Dijitalidadea eta Berri Txarrak-en artean lankidetzan egindako ekoizpena da Iragana aurretik.

Bukatzeko, Berri Txarrak taldearen oso gustoko dudan abesti bat hementxe uzten dizuet:

http://www.youtube.com/watch?v=H-KUCUjRCec

Autismodun haurrak eta teknologia

Gaur, The New York Times egunkarian agertutako berri bat erakutsi nahi dizuet. Nik Tech in the Trenches blogari esker izan nuen albistearen berri. Berriak autista den mutiko bat Appleren Sirirekin lagun hoberen nola bihurtu den kontatzen digu. Berria arras interesgarria da, baina iruzkinak ere kontuan hartzekoak dira. Berrian haurrak Sirirekin hizketan trebetasun sozialak lortzen dituela erraten da. Iruzkinetan, hori ezeztatu gabe, gehiegizko orokortzearen arriskua aipatzen da, hau da, haurrak gizakiek horrela erantzunen diotela beti pentsatzearena. Zuek zer uste duzue?

Euskahaldun. KO – RRI – KA !

Hemen da Korrikaren 19. edizioa. Urepeletik abiatuko da martxoaren 19an, eta 29an amaitu Bilbon handian. Baina, edizio hau ez da gainontzekoak bezalakoa izango. Izan ere, oraingo honetan AEK-k norberaren nahaiak indartzeko dei egin nahi dio Euskal Herri osoari.

 “dakienak erabil dezan eta

ez dakienak ikasteko ahalegina egin dezan”

 

AEK-ko kideek aipatutako edizioaren aurkezpena egin zuten Bilboko Arriaga Antzokian, eta bertan ere, elkartasun mezu bat igorri nahi izan zioten biztanleri euskaldunari. Hona hemen euskalduntze koordinadorak Korrikan zabaldu nahi duen mezua: “Euskal Herria euskalduntzeko norberaren eta taldearen ahalmenean sinetsi eta erabil dezagun ahalmen hori” (Asier Amondo, lasterketako arduradun berria).

Modu honetara, aipatu den lez, ahaleginak batzeko eta auzolana indartzeko beharraren deialdia egin zuen taldeak.

Beraz, parte hartu dezagun!

Berreskuratu dezagun tour linguistikoa!

2013an Hernanin tour linguistikoa deritzona burutu zen. Baina, zertan datza horrek?

Bada, bertako herritarrak elkartu eta taldean herrian zehar joan ziren kontalari baten laguntzarekin. Hernani osoan zehar zihoan ordu eta erdiko bidaia horretan, bospasei tokitan gelditu ziren. Gisa honetara, geldialdi bakoitzean garai hura bizi izan zuten pertsonek kontakizun laburrak kontatzen zizkien gainerako taldekideei.

Bide batez, tourra amaitu ostean, Euskararen aurrerapauso zein galerei erreparatu zieten eta horien inguruan jardun zuten.

Euskararen erabilera sustatzeaz gain, ez al zaizue iruditzen ligatzeko aitzakia ona ere badela? Ligoteo sanoa, gainera! Herritarrak elkar ezagutu dezaten, bizipenak partekatu ditzaten, elkarrekin gustura senti daitezen…

Bla bla bla

   Asteazkenean hizkuntzalaritza irakasgaian hizkuntza jabekuntzari buruz hitz egin genuen. Beste modu batean esanda, nola sortzen den hizkuntza gizakion burmuinean. Ez al da benetan gauza harrigarria ?

    Umeei buruz hitz egin genuen eta bideo bat ere ikusi genuen. El mundo en pañales dokumental sortatik laugarren kapitulua ikusi genuen, el poder de las palabras izenekoa. Guztiok eduki dugu edo edukiko dugu ume txikiren bat familiaren barruan (edo lagun batena bai, behintzat). Dokumental hori bikaina da umeen adibide sinpleekin hizkuntza jabekuntza gaia aurkezten duelako. Modu oso erraz eta ulergarri batean azaltzen digu umeek duten kapazitatea hizkuntza baten aurrean eta nola esfortzu barik eta berez etortzen zaie hitz egiteko ahalmena.

     Kapitulu hori ikustean familian daukadan zortzi hilabeteko umea etorri zitzaidan burura. Umea zezelka egiten duen bakoitzean, ama berarekin elkarrizketa moduko bat izaten ahalegintzen da. Imaginatu dezakezuenez, egoera oso komikoa da. Noski, bien arteko hartu-emana ez da guk ezagutzen dugun elkarrizketa sakona baina parekotasun bat badauka. Ikustekoa da, beraz, umeek hain txikiak izanik nola hitz egiteko sahiakerak egiten dituzten, nahiz eta guk ez ulertu. Gainera, ume zoragarri hori zezelka ikusten dudan bakoitzean, “amarekin berbetan”, hunkitzen nau. Zortzi hilabete besterik ez ditu eta badaki begirada batekin jostailu bat eskatzen!

     Irakasgaian ikasi dugunez, guztiok hizkuntza jakintza batekin eta berberarekin jaiotzen gara. Horrek egiten gaitu gizaki eta beste espezietatik bereizten gaitu. Niri horrek izugarri harritzen nau, zuei ? Ez al duzue uste hizkuntza dela gizakiok daukagun makineriarik perfektuena?

     Bukatzeko, animatzen zaituztet zezelka ari den ume batekin hitz egitera, ikusiko duzue nola erantzuten duen estimuluen aurrean (estimulua, noski, gure hitzak izanik). Umearen erreakzioa antzemango duzue eta haren sahiakera anitzak gauzak komukikatzeko eta benetako elkarrizketa bat izateko. Hasieran soinuak besterik ez dira izango. Baina gero, denbora pasatu ahala, hitzen parekoak ekoiztuko ditu . Azkenean hitzak ahozkatuko ditu eta esaldi konplexuak egiteko ahalmena izango du. Gaiari buruz hausnartu al duzue noizbait? Ikusi bideoa , pentsatu eta batez ere, gozatu!

https://www.youtube.com/watch?v=sZYD9UsiX8A

Euskal Zine Bileran euskara hutsean

       Lekeition urtero antolatzen den zine jaialdiaren 37.edizioa izango da urte honetakoa eta azaroaren 23tik 29ra ospatuko da. Aurten antolatzaileek diote beste urteekin konparatuz gero askoz parte hartze handiagoa egon dela, inoiz baino handiagoa, alegia. 59 filmek hartu dute parte eta horietatik 48 aukeratu dituzte epaituak izan daitezen. Jardunaldiak urtero bezala, bi xede nagusi ditu. Alde batetik, euskaraz egindako lanak saritzea eta beste aldetik, euskaraz egindako zinemagintza profesionalaren biltokia izatea. Aipatzekoa da zine egitasmo osoa euskara hutsean egiten dela.

       Egitasmoak dituen bi helburuak bikainak direla esan daiteke. Askotan euskarazko lanei ez diegu nahi adina garrantzia ematen eta horiek saritzen badira agian konturatuko gara bertako lanak beste lekuetakoak bezala ondo eginak egon daitezkeela eta onak izan ahal direla. Gainera, bigarren helburu horrek zinema orokorrean suspertzen du. Zinema eta gainera euskaraz nahiko landuta ez dagoen esparru bat dela iruditzen zait. Hala ere, harrigarria da albistean diotenean “inoiz baino parte hartze handiagoa egon dela” eta 59 filmek hartu dute parte. Pentsatu dezakegu film nahikotxo direla, baina mesedez, zuon buruari galdetu, zenbat film egiten dira gazteleraz edota ingelesez? Askoz gehiago noski. Hortaz, ez zaudete ados euskarazko zinema minduta dagoen esparru bat dela diodanean?

   Hausnarketa txiki horrekin geratu gaitezke eta beraz, parte hartu dezagun Lekeitiok bezala antolatzen dituen zinema jaialdietan, batek daki, agian filmerik hoberena edo gustukoena aurkitu dezakegu!

http://www.argia.eus/albistea/lekeitioko-37-euskal-zine-bileran-inoiz-baino-film-gehiago

Iruñerrian euskara musikaren bitartez bultzatzen da.

Musika euskaraz egitea ez da soilik konpas jakin batean akorde edo melodi herrenkada bat jotzea, izan ere, askoz haratago doa gauza: edozein egoera, testuinguru edo tokitan euskaraz bizitzeko hautua dakar. Gisa honetara, euskaraz bizi ginteke, gustora sentitu, etxean bezalaxe.

Bada, proiektu honek hamalau musika talde bildu ditu, diskoa kaleratzeko egitasmoan. Beraien aburuz, euskararen alde egiten ari dira soilik, ez dute autopromoziorik bilatzen, alegia. “Helburua guztiz garbia da: euskaldun bakoitzak euskararen aldeko hazia bere modura ipintzen duelarik, guk geure gisara egiten dugu, musikaren bitartez”.

Badugu zeregina azaroaren 8an: denok Ziburura!

Ziburuko ikastola iparraldean dagoen ikastola bat da, Frantziako herrialdean. Frantziako estatuak ez du onartzen bertako umeek hezkuntza euskaraz jasotzea; eta, hori dela medio, duela hilabete gutxi egunero 100 €-ko isuna ordaintzera behartu zieten guraso bakoitzari.

Duela egun batzuk, ordea, aipatutako isuna 400€-ra igotzea erabaki zuen Frantziar estatuak, eta hori gutxi balitz, ura nahiz argindarra moztu diete. Era berean, ikastolara polizia joango dela esan diete.

Egoera tamalgarri hori salatzeko asmoz, manifestazioa egingo da Ziburun azaroaren 8an arratsaldeko 16:00etan. Ziburuko haurrak ikastola duin batean zein EUSKARAZ ikasteko eskubidea dutela ustez gero, agertu zaitez eta parte hartu manifestazioan!

AUPA KASKAROTENEA IKASTOLA !

IRAGARKI BITXIA

    Duela hilabete batzuk YouTuben bideo bat ikusi nuen. Bideoan, gizon bat agertzen zen iragarki bati buruz hitz egiten. Gizon horri harrigarria egin zitzaion iragarki hura eta benetan harritzekoa zen.

    Iragarkiak, ingelesez, honela zioen ( itzulpena jarri dizuet ) “Etorri hona eta probatuko nauzu” edo horrelako zerbait. Imaginatu esaldi hori metroko panel batean ( Estatu Batuetako metro batean zegoen). Baina ez edonon , baizik eta nasaren beste aldean, horma batean esekita. Nasatik, beraz, panela argi eta garbi ikusi zitekeen. Ezetz asmatu zeren berri eman nahi zuen iragarkiak?

    Hilkutxak! Hilkutxak iragartzen zituen. Ez da liluragarria, beraz, komunikazio munduan nola jolasten duten hitzekin? Ez da zorizko gauza justu metroaren toki horretan iragarki hori jarri izana, ezta esaldi hori hautatu izana. Komunikazio munduan iragarkiak helburu edo xede jakin batekin egiten dira eta ahalik eta pertsona gehien erakartzeko. Goian aipatutakoak nire arreta behintzat lortu zuen.